50eko hamarkadatik hona, jesuitak arduratzen dira Uretamendi, Ingurubidea eta Betolaza auzoetako biztanleei lagun egiteaz, Bilboko Errekaldeko sektore jendetsu honetan.

Auzo hauek hasieran, txabolak ziren, Espainiako ekonomiaren garai zail haietan, Euskal Herriak eskaintzen zituen aukeren bila, Extremadura, Galizia eta Andaluziatik etorritakoek gauez eraikitakoak.

Hiru auzo hauetan, gaur egun, jatorri desberdinak dituzten 3.000 lagun inguru bizi dira: beste Autonomia Erkideetakoak, Hegoamerikakoak eta Afrikakoak.