Lourdes auzoan kokaturik, Aita Lasa auzoa ere deitzen dena, dago Lourdesko Andre Mariaren Parrokia. Bere historia 50eko hamarkadara luzatzen da, bertan langileentzako auzo baten eraikuntzan lagundu baitzuen San Frantzisko Xabier Elkarteak. Etxeen eraikitze lanak 1951 urtean hasi ziren eta 1954an estreinatu ziren lehen etxebizitzak.

Hiri azpiegitura eraiki zen martxa berean joan zen eraikitzen sinestunen komunitatea ere, 1959an eraikitako parrokian aurkitu zuena elkartzeko eta beren fedearen ospakizunerako lekua. Parrokiak, auzo honetako fede hazkuntzaren prozesuan lagundu zuen, beren laguntzaileen bidez –laikoak eta apaizak- Jesusen Berri Ona aldarrikatzen, bizitzaren ospakizunean eta gizarte konpromisoan.