Egiteko hau Lagundiko jesuita eta obra guztien ardura da. Baina aldi berean, justiziaren atalari bere berezitasunean, arreta partikularrez Sozial Arloa deitu diogun alor batetik –apostolutza eta jesuiten obra multzoa- heltzen diogu.

Zeruko Erreinuaren justiziaren alde lan egiteak esan nahi du: ikasketa eta ikerketa soziala, kanporatze arriskuan dauden pertsonekin zuzeneko lana, giza harreman anaikor eta onargarriak bilatzen dituzten komunitateak, fedea eta itxaropenaren ospakizunak. Laburbilduz hiru gauza behar dituela esan ohi da: hausnarketa, ekintza eta komunitate bizitza.

Zenbaitetan justizia-sustapena, batez ere, lan kontua dela ulertu izan da. Baina hori oso alderdikoia da. Erronka nagusia espirituala da batez ere: ardura hori gure fedearen adierazpide izan dadila; Jesusen adiskiderik onenen, behartsuen, adiskide egin gaitzala; gure bihotza alda dezala; jarraipena izan dadila eta ez bakoitzaren bilaketa itxia. Azken batean, fedearen adierazpide, karitatearen zehaztapen –bakoitzarena, soziala eta politikoa- eta itxaropen-mugimendu izan dadila.

Sozial Arloan errealitate desberdinak ditugu gure Loiola Probintzian: jesuita-komunitateak, proiektu bateratu bat hitzartu ondoren, beren bizitza eta jarduerak, guztiengana iristea nahiko genukeen, anaitasunezko Erreinu baten berritasuna adieraztea bilatzen dutenak; ALBOAN GKE (gobernuz kanpoko erakundea); zenbait talde bazterturekin lan egiten duen San Frantzisko Xabier Fundazioa, Tuteran (Nafarroa), han baitago kokatua; Loiolaetxea komunitatea eta Ignazio Ellacuria hausnarketa-zentroa.